CLASS 9 FIQH 2

الجهر والإسرار

*التكبير والسلام*

*يسن لإمام .............والإسماع معا*
ദിക്റിനെയോ അല്ലെങ്കിൽ ദിക്റിനെയും مَأْمُومِ നെ കേൾപ്പിക്കലിനേയും കരുതിയാൽ തക്ബീറാതുൽ ഇഹ്റാം, പോക്ക് വരവുകളുടെ തക്ബീർ, سمع الله لمن حمده, സലാം, മയ്യത്ത് നിസ്കാരത്തിലെ തക്ബീറുകൾ, എന്നിവ കൊണ്ട് ഇമാമിനും ِمُبَلِّغ നും ഉറക്കെയാക്കൽ സുന്നത്താണ്

*فإن قصد الإسماع............بطلت صلاته*
ഈ പറഞ്ഞ കാര്യങ്ങൾ ചൊല്ലുമ്പോൾ കേൾപ്പിക്കൽ മാത്രം ഉദ്ദേശിചാലും അല്ലെങ്കിൽ ഒന്നിനെയും ഉദ്ദേശിക്കാതിരുന്നാലും അവന്റെ നിസ്കാരം ബാത്വിലാകും

*وجهر غيرهما...............وإلافحرام*
മറ്റുള്ളവർക്ക് പ്രയാസം ഇല്ലെങ്കിൽ ഇമാമ് ْمُبَلِّغ അല്ലാത്തവർ ഇവകളെ കൊണ്ട് ഉറക്കെ യാക്കൽ കറാഹത്താണ്. മറ്റുള്ളവർക്ക് പ്രയാസമായാൽ ഉറക്കെയാക്കൽ ഹറാമാണ്.

*ولو إمت المرأت..............لايسمعها أجنبي*
സ്ത്രീ ഇമാം നിന്നാൽ അന്യപുരുഷന്മാർ ഇല്ലെങ്കിൽ പുരുഷനേക്കാൾ ശബ്ദം താഴ്ത്തി പറയണം.

الإفتتاح والتّعوّذ

*يندب الإسرار.............كسائرالأذكار*
ഉറക്കെ ഓതുന്ന നിസ്കാരത്തിലാണെങ്കിൽ പോലും മറ്റു ദിക്റുകളെ പോലെ أَعُوذُ، وَجَّهْتُ എന്നിവ പതുക്കെയാക്കൽ സുന്നത്താണ്.

*ويجهر بالتعوّذ...........من يسمعه*
നിസ്കാരത്തിൽ അല്ലാത്ത സമയങ്ങളിൽ കേൾക്കുന്നവരുണ്ടെങ്കിൽ أَعُوذُ ഉറക്കെയാക്കണം

*وإنّما يسنّ................في الجهريّة*
ഉറക്കെ ഓതുന്ന നിസ്കാരത്തിൽ ഫാത്തിഹയിലെ ആമീൻ ഉറക്കെ പറയൽ ഇമാമിനും ഒറ്റക്ക് നിസ്കരിക്കുന്നവനും സുന്നത്താണ്.

*أمّاالمأموم...............وإن لم يؤمّن إمامه*
എന്നാൽ സ്വന്തം ഖിറാഅത്തിനുവേണ്ടി مأموم പതുക്കെ ആമീൻ പറയുകയും ഇമാമിന്റെ ഓത്ത് കേൾക്കുന്നുവെങ്കിൽ ഇമാം പറഞ്ഞിട്ടില്ലെങ്കിലും مأموم ഉറക്കെ പറയൽ സുന്നത്താണ്.

*وجهرالأنثی.................بالقراءت*
സ്ത്രീയും َخُنْث യും (ആണും പെണ്ണും അല്ലാത്തവർ) ആമീന് കൊണ്ട് ഉറക്കെയാക്കൽ അവർ രണ്ടുപേരുടെയും ഒത്തിൽ ഉറക്കെയാക്കുന്നത് പോലെയാണ്(പുരുഷ ശബ്ദത്തേകാൾ കുറഞ്ഞത് )

*وأمّا السّرّية................جميعهم بالتأمين*
പതുക്കെ ഓതുന്ന നിസ്കാരമാണെങ്കിൽ എല്ലാവരും പതുക്കെ ആമീൻ പറയണം.

*القراءة*

*وإنّمايسنّ الجهر................وفيمايقضی ليلا*
ജുമുഅ, സുബ്ഹ്, മഗ്രിബ് ഇശാ നിസ്കാരങ്ങളുടെ ആദ്യ രണ്ടു റക്അതുകൾ, തറാവീഹ്, റമളാനിലെ വിത്ർ, ചന്ദ്ര ഗ്രഹണ നിസ്കാരം, രണ്ട് പെരുന്നാൾ നിസ്കാരം, രാത്രിയാണെങ്കിലും പകലാണെങ്കിലും മഴയെ തേടുന്ന നിസ്കാരം, രാത്രിയിലെ ത്വവാഫിന്റെ രണ്ട് റക്അത്, രാത്രിയിൽ قضاء വീട്ടപ്പെടുന്ന നിസ്കാരം എന്നിവയിൽ مأموم അല്ലാത്തവർ (ഇമാമും, ഒറ്റക്ക് നിസ്കരിക്കുന്നവനും) ഉറക്കെ ഓതൽ സുന്നത്താണ്.

*إلاّ العيدين...............أداءوقضاء*
രണ്ട് പെരുനാൾ നിസ്കാരങ്ങളിൽ രാത്രിയാണെങ്കിലും പകലാണെങ്കിലും ْأَدَءْ، قَضَاء ആയിട്ടാണെങ്കിലും ഉറക്കെ ഓതലാണ് സുന്നത്ത്.

*ولوترك الجهر.............لم يتداركه في باقيها*
ഉറക്കെ ഓതുന്ന നിസ്കാരത്തിലെ ആദ്യ രണ്ട് റക്അത്തിൽ ഉറക്കെ ഓതിയിട്ടില്ലെങ്കിൽ ശേഷിക്കുന്ന റക്അതുകളിൽ അത് വീണ്ടെടുക്കേണ്ടതില്ല.

*ويتوسّط بين...............المطلقة ليلا*
രാത്രിയിൽ നിസ്കരിക്കുന്ന مطلقا സുന്നത്ത് നിസ്കാരങ്ങളിൽ ഉറക്കെയാക്കുന്നതിന്റെയും പതുക്കെയാകുന്നതിന്റെയും ഇടയിൽ മിതത്വം പാലിക്കണം.

*وكلّ هذا في الذّكر.................جهرهما دون جهر الرّجل*
അന്യ പുരുഷന്മാർ ഉണ്ടെങ്കിൽ സ്ത്രീയുംَ, خُنْث യും പതുക്കെ ഓതണം. ഇല്ലെങ്കിൽ ഉറക്കെ ഓതുകയാണെങ്കിൽ പുരുഷനേകാൾ താഴ്ന്ന ശബ്ദത്തിലാണ് ഓതേണ്ടത്.

*القنوت وتأمينه*

*يجهر الإمام.............بتأمينه فقط*
ഉറക്കെ ഓതുന്ന നിസ്കാരത്തിലാണെങ്കിലും പതുക്കെ ഓതുന്ന നിസ്കാരത്തിലാണെങ്കിലും ഇമാമ് قنوت ഉറക്കെ ഓതൽ സുന്നത്താണ്.ِمَأْمُوم ന് ആമീൻ മാത്രമാണ് ഉറക്കെ പറയൽ സുന്നത്തുള്ളത്.

*ويشارك الإمام في الثناء سّرا*
അല്ലാഹുവിനെ പ്രശംസിക്കുന്ന ഭാഗത്ത് ഇമാമിനോടൊപ്പം പതുക്കെ പറയണം.

*ويسرّبه المنفرد................إمامه مطلقا*
ഒറ്റക്ക് നിസ്കരിക്കുന്നവനും ഇമാമിന്റെ ഖിറാഅത്ത് കേൾക്കാത്തവനും നിരുപാധികം പതുക്കെയാണ് قنوت ഓതേണ്ടത്

*الذكر والدعاء*

*يسنّ الإسرار.............بعد الصلاة*
നിസ്കാര ശേഷമുള്ള ദിക്റ്,ദുആ പതുക്കെ ഓതലാണ് സുന്നത്ത്.

*لكن يجهر..................أوتأمينهم*
എന്നാൽ കൂടിയവരുടെ ആമീനിനെ പ്രധീക്ഷിക്കുകയോ അവരെ പഠിപ്പിക്കുക എന്ന ഉദ്ദേശത്തോടെയോ ആണെങ്കിൽ അവ രണ്ടും ഉറക്കെയാക്കാം.

*ولا يجهر مصلّ.............مالم يتحقّق التّأذّي فيحرم*
നിസ്കരിക്കുക , ഉറങ്ങുക , ഖുർആൻ ഓതുക , ഗ്രന്ഥങ്ങൾ പാരായണം ചെയ്യുക, രചന നടത്തുക ,ദർസ് നടത്തുക പോലോത്തവർക്ക് ആശയക്കുഴപ്പം ഭയന്നിട്ടില്ലെങ്കിൽ ഉറക്കെ ഓതേണ്ട സ്ഥലമാണെങ്കിൽ പോലും നിസ്കരിക്കുന്നവർക്കും മറ്റുള്ളവർക്കും ഉറക്കെ ഓതൽ കറാഹത്താണ്. ആശയക്കുഴപ്പം ഭയന്നാൽ ഹറാമുമാണ്.

*ويراعي هذا.................والإجتماعات*
സദസ്സുകളിലും സമ്മേളനങ്ങളിലും മറ്റുള്ളവരെ ബുദ്ധിമുട്ടിക്കുന്ന രൂപത്തിൽ ശബ്ദമുയർത്താൻ പാടില്ല