👉 ഗാന്ധി ക്വിസ് PDF
ഇന്ത്യയുടെ രാഷ്ട്രപിതാവായിരുന്ന മഹാത്മാഗന്ധിജിയുടെ ജന്മദിനമാണ് ഒക്ടോബര് രണ്ടിന് ഗാന്ധിജയന്തിയായി രാജ്യം ആഘോഷിക്കുന്നത്. 'ബാപ്പു' എന്നാണ് ഗാന്ധിജിയെ എല്ലാവരും സ്‌നേഹത്തോടെ വിളിച്ചിരുന്നത്. ബ്രിട്ടീഷുക്കാരുടെ ഭരണത്തില്‍ നിന്ന് രാജ്യത്തെ മോചിപ്പിക്കാന്‍ ഗാന്ധിജിയും അദ്ദേഹത്തിന്റെ അനുയായികളും അനുഭവിച്ച ത്യാഗത്തെയും സഹനത്തെയുമാണ് ഇന്ത്യ ഈ ദിവസത്തില്‍ ഓര്‍ക്കുന്നത്.ഇന്ത്യയെ സ്വാതന്ത്ര്യത്തിലേക്കുള്ള പാതയിലേക്ക് നയിച്ച നേതാവായിരുന്നു മഹാത്മാഗാന്ധി. ഇന്ത്യയുടെ മോചനത്തിനായി അഹിംസയുടെ പാത സ്വീകരിക്കാന്‍ ദശലക്ഷക്കണക്കിന് ആളുകളെ അദ്ദേഹം പ്രചോദിപ്പിച്ചു. മോഹന്‍ദാസ് കരംചന്ദ് ഗാന്ധി 1869 ഒക്ടോബര് 2 ന് ഗുജറാത്തിലെ പോര്‍ബന്തറിലാണ് ജനിച്ചത്. കൗമാരപ്രായം മുതല്‍ ലോകത്തില്‍ ഒരു മാറ്റമുണ്ടാക്കാന്‍ അദ്ദേഹം ശ്രമിച്ചു.
ജാതിഭേദമന്യേ എല്ലാവരും ഒരേ മനസോടെ ഗാന്ധിജിയെ ഓര്‍ക്കുന്ന ദിനമാണ് ഗാന്ധി ജയന്തി. അദ്ദേഹത്തിന്റെ പാരമ്പര്യം ആഘോഷിക്കുന്നതിനായി, ഗാന്ധി ജയന്തി ദിനത്തില്‍ നിങ്ങളുടെ സുഹൃത്തുക്കളുമായും കുടുംബാംഗങ്ങളുമായും പങ്കിടാന്‍ കഴിയുന്ന ചില സന്ദേശങ്ങളും ആശംസകളും ഇതാ...
ഗാന്ധിജയന്തി ആശംസകള്‍ നേരാം
ഒരായിരം ശിരസ്സുകള്‍ നമസ്‌കരിക്കുന്നതിനേക്കാള്‍ ശ്രേഷ്ഠമാണ് ഒരൊറ്റ പ്രവൃത്തികൊണ്ട് ഒരൊറ്റ ഹൃദയത്തിന് സന്തോഷം നല്‍കുന്നത്. അദ്ദേഹത്തിന്റെ ജന്മവാര്‍ഷികത്തില്‍ മഹാനായ നേതാവിന്റെ പാഠങ്ങള്‍ ഓര്‍മ്മിക്കുന്നു. നിങ്ങള്‍ക്ക് ഗാന്ധി ജയന്തി ആശംസകള്‍ നേരുന്നു.മനുഷ്യന് അവന്റെ ചിന്തകളുടെ ഉത്പന്നമാണ്. അവന്‍ ചിന്തിക്കുന്നതെന്തോ അതാണ് അവന്‍ ആയിതീരുന്നത്.
അക്രമം കൂടാതെ ഏത് പോരാട്ടവും നിങ്ങള്‍ക്ക് ജയിക്കാമെന്ന് ഗാന്ധിജി നമ്മെ പഠിപ്പിക്കുന്നു.
അഹിംസ എന്നത് ഇഷ്ടാനുസരണം ഉടുക്കാനും അഴിക്കാനുമുള്ള വസ്ത്രമല്ല. അതിന്റെ ഇരിപ്പിടം ഹൃദയത്തിലാണ്, അത് നമ്മുടെ അസ്തിത്വത്തിന്റെ അവിഭാജ്യ ഘടകമായിരിക്കണം. നിങ്ങള്‍ക്ക് ഗാന്ധി ജയന്തി ആശംസകള്‍ നേരുന്നു.
ഗാന്ധിജിയുടെ കാല്‍പ്പാടുകള്‍ പിന്തുടരുക, സമാധാനത്തോടെ ശരിയായ പാതയില്‍ എപ്പോഴും നടക്കുക.
ബ്രിട്ടീഷുകാര്‍ക്കെതിരെ പോരാടി സ്വാതന്ത്ര്യം രാജ്യത്തിനാകെ സമ്മാനിച്ച മനുഷ്യന്.
ചിന്തകളുടെയും വാക്കുകളുടെയും പ്രവൃത്തികളുടെയും സ്വാതന്ത്ര്യത്തിലേക്ക് നമ്മെ നയിച്ച മനുഷ്യന് ഒരു സല്യൂട്ട്! ഗാന്ധി ജയന്തി ആശംസകള്‍.
സത്യത്തിന്റെയും അഹിംസയുടെയും ഉപകരണങ്ങളുള്ള രാഷ്ട്രപിതാവ്, നമ്മുടെ രാജ്യത്തെ സാമ്രാജ്യത്വത്തില്‍ നിന്ന് മോചിപ്പിച്ചു, സത്യത്തിന്റെയും ജ്ഞാനത്തിന്റെയും പാത പിന്തുടരുക, ഗാന്ധി ജയന്തി ദിനത്തില്‍ ഈ മഹാനായ നേതാവിന് ആദരാഞ്ജലികള്‍ അര്‍പ്പിക്കുക.
രാഷ്ട്രത്തിന്റെ ഇതിഹാസമായ മഹാത്മാഗാന്ധിയെ അദ്ദേഹത്തിന്റെ ജന്മവാര്‍ഷികത്തില്‍ ഓര്‍ക്കാം.
ഇന്ത്യയുടെ ആത്മാവ് ഗ്രാമങ്ങളിലാണ് കുടിയിരിക്കുന്നതെന്ന് രാജ്യത്തോട് വിളിച്ചു പറഞ്ഞ മഹാത്മാവിന്റെ ജന്മദിനത്തില്‍ നേരാം ഒരായിരം ആശംസകള്‍.
മഹാത്മ ഗാന്ധിജിയുടെ സന്ദേശങ്ങള്‍
എന്റെ ജീവിതമാണ് എന്റെ സന്ദേശംനിങ്ങൾ ഈ ലോകത്ത് എന്ത് മാറ്റം വന്നുകാണാനാഗ്രഹിക്കുന്നുവോ, അതാകണം.
ഹിംസയിലൂടെ നേടുന്ന വിജയം വിജയമല്ല, അത് തോല്‍വിയാണ്. എന്തെന്നാല്‍ അത് വെറും നൈമിഷികം മാത്രം
എന്റെ അനുവാദമില്ലാതെ ആര്‍ക്കും എന്നെ വേദനിപ്പിക്കാന്‍ കഴിയില്ല
സ്വാതന്ത്ര്യം എന്നത്, തെറ്റുകൾ ചെയ്യാനുളള സ്വാതന്ത്ര്യം കൂടി ഉൾപ്പെടുന്നതല്ലെങ്കിൽ, അത് പാഴാണ്.
പാപത്തെ വെറുക്കുക പാപിയെ സ്‌നേഹിക്കുക.
നിങ്ങൾ ചിന്തിക്കുന്നതും, പറയുന്നതും, പ്രവർത്തിക്കുന്നതും ഒരുപോലെ ആകുമ്പോഴാണ് നിങ്ങൾ യഥാർത്ഥത്തിൽ സന്തുഷ്ടനാണ് എന്ന് പറയുന്നത്.
إرسال تعليق