കുട്ടികള്‍ ചിറകുവിരിക്കട്ടെ, ഈ അവധിക്കാലത്ത് | Activities to keep kids active and happy during holidays

അ​വ​ധി​ക്കാ​ലം ആ​ഘോ​ഷ​ത്തി​ന്റേ​താ​ണ്. ഇ​ഷ്ടം പോ​ലെ ക​ളി​ക്കാം, എ​ത്ര​വേ​ണ​മെ​ങ്കി​ലും ഉ​റ​ങ്ങാം. പ​ഠി​ക്കാ​ൻ അ​ധി​കം നി​ർബ​ന്ധി​ക്കി​ല്ല. പ​രീ​ക്ഷച്ചൂ​ടി​ൽനി​ന്ന് ര​ക്ഷ​പ്പെ​ടാ​ൻ എ​പ്പോ​ഴും അ​വ​ധി​ക്കാ​ല​ത്തി​നാ​യി കാ​ത്തു​നി​ൽക്കു​ക​യാ​യി​രി​ക്കും എല്ലാ കൂട്ടുകാരും. എ​ന്നാ​ൽ, അ​വ​ധി​ക്കാ​ലം ക്രി​യാ​ത്മ​ക​മാ​യി ന​മു​ക്കു​പ​യോ​ഗി​ക്കാ​നാ​യെ​ങ്കി​ൽ എ​ത്ര ന​ല്ല​താ​ണ​ല്ലേ...!

അ​വ​ധി​ക്കാ​ല​ത്ത് ക​ളി​ച്ചു​ന​ട​ക്കാ​നാ​യി​രി​ക്കും ഏറ്റവും ഇ​ഷ്ടം. എന്നാൽ, ഇന്ന് നിങ്ങളുടെ ലോ​കം വളരെ വ​ലു​താ​ണെന്ന് മനസ്സിലാക്കുക. എ​ല്ലാ​വ​ർക്കും എ​ല്ലാം ഇ​ന്നു പ​ഠി​ക്കാം. പാ​ട്ടും ഡാ​ൻസും മുതൽ റോബോട്ടിക്സ് വരെ പഠിക്കാനായി ഈ അവധിക്കാലത്ത് തിരഞ്ഞെടുക്കാം. ഈ അവധിക്കാലം ചെലവഴിക്കാനുള്ള ചില വിദ്യകൾ നോക്കാം.

യാത്രപോകാം

ഒ​രു പി​ക്‌​നി​ക്കോ ചെ​റി​യ ട്രക്കി​ങ്ങോ പോ​കാം. പോ​കു​മ്പോൾത​ന്നെ വി​വ​ര​ങ്ങ​ൾ ശേ​ഖ​രി​ച്ച് അ​നു​ഭ​വ​ങ്ങ​ളും ചേ​ർത്ത് ജേ​ണ​ലു​ക​ൾ എ​ഴു​താം. ഈ ​വേ​ന​ല​വ​ധി​ക്ക് പ്ര​കൃ​തി​യി​ലേ​ക്കൊ​രു യാ​ത്ര പോ​യാ​ലോ. പ്ര​കൃ​തി​യെ അ​റി​ഞ്ഞുവ​ള​രാ​ൻ ഇ​തു​സ​ഹാ​യി​ക്കും. ഒ​രി​ക്ക​ലും മ​റ​ക്കാ​നാ​കാ​ത്ത ന​ല്ല ഓ​ർമ​ക​ളും അ​തവർക്ക് സ​മ്മാ​നി​ച്ചേ​ക്കും.

കരു​ത്തിനായി പഠിക്കാം

പലർക്കും താ​ൽപ​ര്യ​മു​ള്ളവയാ​ണ് ക​രാ​ട്ടേ, കു​ങ്ഫൂ തുടങ്ങിയ ആ​യോ​ധ​ന​ക​ല​കൾ. ഒ​രു സെ​ൽഫ് ഡി​ഫ​ൻസ് എ​ന്ന​തി​ലു​പ​രി ആ​രോ​ഗ്യ​മോ​ടെ​യി​രി​ക്കാ​നും ഇ​ത്ത​രം ക്ലാസു​ക​ൾ സ​ഹാ​യി​ക്കു​ന്നു​ണ്ട്. ഇ​ത് പാ​ഠ്യവി​ഷ​യ​ങ്ങ​ളി​ലെ പ​ഠ​ന​മി​ക​വി​നും കോ​ൺസ​ൻട്രേ​ഷ​ൻ ഉ​ണ്ടാ​കു​ന്ന​തി​നും ഉ​പ​കാ​ര​പ്പെ​ടു​ന്നു. ചെ​സ്, കാ​രം​സ്, സ്‌​ക്രാ​ബി​ൾസ് പോ​ലെ ബോ​ർഡ് ഗെ​യി​മു​ക​ൾ അ​വ​ധി​ക്കാ​ലം ആ​സ്വാ​ദ്യക​ര​മാ​ക്കാ​നും ബു​ദ്ധി​ശ​ക്തി​യെ​യും ഓ​ർമശ​ക്തി​യെ​യും പ​രി​പോ​ഷി​പ്പി​ക്കാ​നും ഉപയോഗപ്പെടുത്താം.

ക്യാമ്പുകൾ

പ​ല​ത​രം കോ​ച്ചി​ങ് ക്യാ​മ്പു​ക​ൾ ഇ​ന്ന് സ​ജീ​വ​മാ​ണ്. എ​ല്ലാ ന​ഗ​ര​ങ്ങ​ളി​ലും ടൗ​ണു​ക​ളി​ലും അ​വ​ധി​ക്കാ​ല​മാ​യാ​ൽ ഇ​ത്ത​രം ക്യാ​മ്പു​ക​ളും പ​രി​പാ​ടി​ക​ളും നടക്കും. സംഗീതോപകരണങ്ങൾ ഉൾപ്പെടെ ഇതുവഴി പഠിക്കാനാകും. ഓ​ൺലൈ​നാ​യും ഇ​ത്ത​രം ക്ലാസുകൾ ഉപയോഗപ്പെടുത്താം. അ​തു​പോ​ലെ കൂട്ടുകാർക്ക് ഏ​റെ ഉ​പ​കാ​ര​പ്പെ​ടു​ത്താ​വു​ന്ന ഒ​ന്നാ​ണ് ഭാ​ഷാ ക്ലാസു​ക​ൾ. വി​ദേ​ശ ഭാ​ഷ​ക​ൾ ഉൾപ്പെടെ ഈ സമയങ്ങളിൽ പഠിച്ചെടുക്കാം. സാ​ഹി​ത്യാ​ഭി​രു​ചി ഉ​ള്ള​വ​ർക്ക് സാ​ഹി​ത്യ ക്യാ​മ്പു​ക​ൾ തിരഞ്ഞെടുക്കാം. നീ​ന്ത​ൽ, സ്‌​കേ​റ്റി​ങ്, ഫു​ട്‌​ബാ​ൾ, ക്രി​ക്ക​റ്റ്, ടേ​ബിൾ ടെ​ന്നി​സ് തുടങ്ങിയവ പഠിക്കാനും പരിശീലിക്കാനും ഈ അവധിക്കാലത്ത് സമയം കണ്ടെത്താം.

കുട്ടി യുട്യൂബർമാരാകാം

നിങ്ങളുടെ അഭിരുചിക്കനുസരിച്ചുള്ള മേഖലകൾ വേണം തിരഞ്ഞെടുക്കാൻ. അതിലൂടെ ഭാവിയിൽ നേട്ടംകൊയ്യാനുമാകും. അതിനായി ഈ അവധിക്കാലത്ത് ഒരു യുട്യൂബ് ചാനൽ തുടങ്ങിക്കോളൂ. പാചകമോ പാട്ടോ ഡാൻസോ എന്തും അതിലൂടെ പങ്കുവെക്കാം, താരമാകുകയും ചെയ്യാം. കൂടാതെ അ​വ​ധി​ക്കാ​ലം ക​ഴി​ഞ്ഞ് വീ​ണ്ടും സ്‌​കൂ​ളി​ൽ പോ​യി​ത്തു​ട​ങ്ങി​യാ​ൽ കൂ​ട്ടു​കാ​രെ കാ​ണി​ക്കാ​നും അ​ടു​ത്ത അ​വ​ധി​ക്കാ​ലം വ​രെ ഓ​ർക്കാ​നും ഒ​രു ഹോ​ളി​ഡേ വിഡി​യോ അ​ല്ലെ​ങ്കി​ൽ, ഒ​രു ഫോ​ട്ടോ ആ​ൽബം നിർമിക്കാം.

വായിക്കാം

വാ​യ​ന​ക്ക് ഏ​റ്റ​വും ന​ല്ല സ​മ​യ​മാ​ണ് അ​വ​ധി​ക്കാ​ലം. മു​ൻ ലക്കങ്ങളിലെ വെളിച്ചത്തിൽ കൂട്ടുകാർ നിരവധി പുസ്തകങ്ങൾ പരിചയപ്പെട്ടില്ലേ. അവയെല്ലാം വായിച്ചുതീർക്കാം. ​നിങ്ങളുടെ തൊട്ടടുത്ത ലൈ​ബ്ര​റി​യി​ൽ അം​ഗ​ത്വ​മെ​ടു​ക്കാം. ഓ​ണ്‍ലൈ​ൻ വാ​യ​ന​യാ​ണ് ശീ​ല​മെ​ങ്കി​ൽ കി​ൻഡി​ൽ ഡൗ​ണ്‍ലോ​ഡ് ചെ​യ്യാം.

രക്ഷിതാക്കൾ ശ്രദ്ധിക്കാൻ

• കു​ട്ടി​ക്കാ​ല​ത്തെ ക​ളി​കൾ മ​ക്ക​ൾക്ക് പ​റ​ഞ്ഞു​കൊ​ടു​ക്കാം. പു​തി​യകാ​ല​ത്തെ ക​ളി​ക​ൾ നി​ങ്ങൾക്ക് പ​ഠി​ക്കു​ക​യുമാ​കാം
• കു​ട്ടി​ക​ൾക്കെ​പ്പോ​ഴും സ​ർപ്രൈ​സു​ക​ൾ ഇ​ഷ്ട​മാ​ണ്. ട്ര​ഷ​ൾ ഹ​ണ്ടു​ക​ൾ ന​ട​ത്താം. വീ​ട്ടി​ലെ സാ​ധ​ന​ങ്ങ​ൾ ഉപയോഗിച്ച് ഇത് ചെയ്യാം. സ​മ്മാ​ന​ത്തി​ന്റെ ഹി​ന്റു​ക​ൾ കൂ​ടി കൊ​ടു​ത്താ​ൽ ഇ​ത് ഏ​റെ ആ​സ്വാ​ദ്യ​ക​ര​മാ​ക്കാം.
• വീ​ട്ടി​ലെ കു​ഞ്ഞുപ​ണി​ക​ൾ ഒ​രു ഗെ​യിം പോ​ലെ​യാ​ക്കി കുട്ടി​കൾക്കൊപ്പം ചെ​യ്യാം.
• വീ​ട്ടി​ൽ ക​ഴി​ക്കാ​ൻ വാ​ങ്ങു​ന്ന പ​ഴ​ങ്ങ​ളു​ടെ​യും പ​ച്ച​ക്ക​റി​ക​ളു​ടെ​യും വി​ത്തു​ക​ൾ ശേ​ഖ​രി​ച്ച് അ​ത് കു​ട്ടി​ക​ളോ​ടൊ​ത്ത് ന​ടാം. വെ​ള്ള​മൊ​ഴി​ക്കാ​നും വ​ള​രു​ന്ന​ത് ശ്ര​ദ്ധി​ക്കാ​നും കു​ട്ടി​ക​ളെ ഏ​ർപ്പാ​ടാ​ക്കാം.
• കുട്ടികളെ മൊബൈൽ ഫോണിൽ അധികം സമയം ചെലവഴിക്കാൻ അനുവദിക്കാതിരിക്കുക. ഈ സമയം കു​ട്ടി​ക​ളെ​യും കൂ​ട്ടി വീ​ടി​ന് പു​റ​ത്തി​റ​ങ്ങു​ക. രാ​ത്രി​യാ​ണെ​ങ്കി​ൽ ന​ക്ഷ​ത്ര​ങ്ങ​ളെ​യും ച​ന്ദ്ര​നെ​യു​മൊ​ക്കെ കാ​ണി​ച്ചു​കൊ​ടു​ത്ത് അ​തി​നെ​ക്കു​റി​ച്ച് വി​ശ​ദീ​ക​രി​ച്ചു​കൊ​ടു​ക്കു​ക. പൂ​ക്ക​ളെ​യും പ​ക്ഷി​ക​ളെ​യും പൂ​മ്പാ​റ്റ​ക​ളെ​യും കാ​ണി​ച്ചുകൊ​ടു​ക്കു​ക.
• എ​ല്ലാ​വ​രു​മൊ​ന്നി​ച്ച് വ്യാ​യാ​മം ചെ​യ്യു​ക. സും​ബ പോ​ലെ വ്യാ​യാ​മ രീ​തി​ക​ൾ കു​ടും​ബ​മൊ​ന്നി​ച്ച് ചെ​യ്യുന്നത് നന്നാകും.
• മി​ക്ക കു​ട്ടി​ക​ൾക്കും കു​ടും​ബ​ത്തി​ലെ ഏ​റ്റ​വും അ​ടു​ത്ത ബ​ന്ധു​ക്ക​ളെ മാ​ത്ര​മേ പ​രി​ച​യ​മു​ണ്ടാ​കൂ. ഒ​രു ഫാ​മി​ലി ട്രീ ​ഉ​ണ്ടാ​ക്കു​ന്ന​ത് എ​ല്ലാ​വ​രെ​യും ഓ​ർമിപ്പി​ക്കു​ന്ന​തി​നും കു​ട്ടി​ക​ൾക്ക് ബ​ന്ധ​ങ്ങ​ളെ​ക്കു​റി​ച്ച് അ​റി​യാ​നും ന​ല്ല​താ​ണ്.
• ഏ​റ്റ​വും ഇ​ഷ്ട​മു​ള്ള ചി​ത്ര​ക​ഥ ഒ​ന്നി​ച്ചി​രു​ന്ന് വാ​യി​ക്കു​ക.
• ക​ഥ​ക​ൾ പ​റ​യാ​നി​ഷ്ട​മു​ള​ള കു​ട്ടി​ക​ളാ​ണെ​ങ്കി​ൽ മാ​താ​പി​താ​ക്ക​ളും കു​ട്ടി​യും ചേ​ർന്ന് ഒ​രു ക​ഥ എ​ഴു​താം. കു​ട്ടി​ക​ളി​ലെ ഭാ​വ​ന വി​ക​സി​പ്പി​ക്കാ​ൻ ഇ​തു സ​ഹാ​യി​ക്കും.
• കു​ട്ടി​ക​ളോ​ടൊ​ത്ത് പെ​യി​ന്റ് ചെ​യ്യാം. കാ​ൻവാ​സി​ലോ പേ​പ്പ​റി​ലോ എ​ന്തി​ലും ആ​വ​ട്ടെ. ചെ​റി​യ കു​ട്ടി​ക​ളാ​ണെ​ങ്കി​ൽ ചൈ​ൽഡ് ഫ്ര​ണ്ട്‌​ലി പെ​യി​ന്റു​ക​ൾ ഇ​ന്ന് ല​ഭ്യ​മാ​ണ്. കൈ​ക​ൾ പെ​യി​ന്റി​ൽ മു​ക്കി ചി​ത്രം വ​ര​ക്കാം. ഇ​ത് കു​ട്ടി​ക​ൾക്ക് ക​ണ്ണും കൈ​യും ത​മ്മി​ലു​ള്ള കോ​ഓഡി​നേ​ഷ​നും മ​റ്റു മോ​ട്ടോ​ർ സ്‌​കി​ല്ലു​ക​ൾ വളർത്താനും സ​ഹാ​യി​ക്കും.